A través dun percorrido polos seus habitantes, costumes e peculiaridades, o programa presta atención a lugares especiais, ao seu modo de vida, ás súas orixinais iniciativas, aos aspectos menos coñecidos do seu día a día e tamén ás historias máis persoais.

Serie. Luís está a preparar a festa de inauguración do bar despois da reforma e as noias non queren perder o evento, algo bo tiña que ter o cambio! Amparo non pode esperar a que o local este cheo de mozos ben parecidos, Antonia xa está vendo a nova xente con "clas" que virá ao local, Milagros quere probar os pinchos que preparou Luís e Sofía... anda un pouco despistada.

Serie. Nesta ocasión, Milagros leva un bo desgusto porque no banco lle din que perdeu todos os cartos cun investimento que saíu mal. Pero que investimento? Se ela non lle tocou ao diñeiro para nada! E, por riba, agora ten que facer fronte ás facturas.

Serie.

Serie. Nesta nova entrega de 'Escoba!', as rapazas queren a toda costa que Marina regrese, polo que deciden falar directamente con Pucho, aínda que a cousa pinta mal. O novo dono da cafetaría contéstalles, coma sempre, con malos modos e elas tómano a peito.

Serie. Marina leva uns días sen pasar polo centro social e sen ela non é o mesmo. O que non agardan as rapazas é que chegue con tantas ganas de leria e de "varrer os impresentables que dirixen o local". Marina quere unir todas as mozas na operación San Martiño, un plan argallado para desfacérense de Pucho.

Serie. Nesta ocasión, as mozas teñen un altercado cun borracho, ao que Pucho pon de patas na rúa, aínda que non polas razóns que elas pensaban nun principio. As amigas queren falar do acontecido con don Ricardo, pero Amparo pensa que Pucho é moito home para o director.

Serie. Carlota está a enredar con todos os que atopa para facer a manicura, ou unha carnicería nas mans, segundo se mire. A primeira vítima é Luisiño, a quen fai unha cousa espantosa, pero a que leva a peor parte é Milagros, que acaba cun corte nun dedo.

Serie. Nesta ocasión, Milagros recolle na rúa un can que pensa que anda perdido e agóchao nun bolso que deixa no bar ao coidado de Luís. Ao descubrilo, don Ricardo queda encantado co animaliño e decide quedar con el. Non ocorre o mesmo con Pucho, que odia profundamente os cans, ou con Amparo, que cada vez que se achega a un comeza a espirrar como unha tola.

Serie. Arturo, o home de Antonia, quere recuperar a súa muller a toda costa, polo que se presenta no bar cun ramo de flores. Por casualidade, as súas fillas tamén están no bar, co que xa está formada unha reunión familiar ao completo.

Serie. Milagros morre co sono, tanto que queda durmida no despacho de Don Ricardo sen que ninguén se dea conta. Xulia suplícalle a Luís que lle deixe facer unha festa no bar e, ante a negativa de este decide "facerse" cunha copia das chaves e facela ás agachadas.

Serie. As amigas comezan a recordar as maiores borracheiras que tiveron na súa vida, as tolerías de Amparo, a inocencia de Sofía e o namoramento de Milagros.

Presenta Raúl Quián.

Presenta Marta Darriba.

Información deportiva a cargo de Sevi Martínez.

O programa contará ata o vindeiro día 5, Noite de Reis, con cativos como protagonistas. Un total de 25 nenos e nenas concursarán, en quendas de cinco, por unha chea de agasallos que substituirán o bote habitual do programa.

O actor Fran Nogueira presenta 'Eu sei + ca ti', novo concurso diario na TVG, con 6.000 euros en xogo. Tres equipos compiten con coñecementos, enxeño e estratexia cada día para abrir unha caixa forte co gran premio en metálico do programa.

Programa que viaxará por toda a xeografía española para contar as historias dos galegos e galegas que traballan e desenvolven a súa vida noutros lugares. “ADN Galego” realizará un percorrido por Toledo, a capital de Castela - A Mancha, coñecida como a “cidade das tres culturas”: musulmá, xudía e cristiá; e varias vilas dos arredores como Seseña Nuevo, Ajofrín e Nambroca.

Programa que viaxará por toda a xeografía española para contar as historias dos galegos e galegas que traballan e desenvolven a súa vida noutros lugares. “ADN Galego” viaxa a terra de sol e praia. Xa no ano 2015, a revista “The Times” elixiu Palma de Mallorca como a mellor cidade do mundo para vivir, por diante de Londres ou Berlín. Son moitos os casos de persoas ás que lles gustou tanto o clima que se asentaron a vivir aquí, como o galego gañador do premio Nobel de Literatura Camilo José Cela, que viviu moitos anos coa súa familia nesta illa balear.

Programa que viaxará por toda a xeografía española para contar as historias dos galegos e galegas que traballan e desenvolven a súa vida noutros lugares. Nesta entrega, o programa realizará un percorrido pola cidade de Xixón e polos arredores, visitando lugares como Candás, o embalse de Trasona, onde adestra un dos galegos olímpicos, praias como as de San Lorenzo e Poniente, o Porto do Musel ou a Laboral Cidade da Cultura, ademais de vivir a experiencia dunha tradicional festa de prau en Castiello de Barnueces, onde non faltará o toque galego coa actuación da orquestra Grupo Limón.

Neste programa, a TVG acompaña o Mago Pop, un ilusionista de éxito mundial, na súa viaxe por Europa sorprendendo cidadáns e turistas. O Mago Pop leva trucos incribles de maxia por Roma adiante.

Presenta Pablo Muñoz. Lorena Pose encárgase da información deportiva.

Documental, realizado por X. H. Rivadulla Corcón, que se achega á orixe dos afiadores, para realizar un percorrido pola súa historia ata a actualidade.

Serie de catro documentais que afonda na restauración desta obra mestra da catedral de Santiago de Compostela, onde rematou o ano pasado unha ambiciosa intervención de recuperación integral. O primeiro documental, ‘Pedra e auga’, trata sobre a situación de humidade e as condicións climáticas que afectaron a obra e como foi recuperada a pedra.

Programa de madrugada da Radio Galega, presentado por Pepe Capelán, que tamén se emite cada noite en directo pola G2. 'Pensando en ti' cédelle o protagonismo absoluto á participación dos oíntes, que comparten en vivo e a través do teléfono, nun ton distendido, experiencias persoais e opinións sobre todo tipo de temas.

A través dun percorrido polos seus habitantes, costumes e peculiaridades, o programa presta atención a lugares especiais, ao seu modo de vida, ás súas orixinais iniciativas, aos aspectos menos coñecidos do seu día a día e tamén ás historias máis persoais.