CRTVG

Amarelo encóntrase con Vermello e Azul, que pensaban que eran as únicas cores en Corlandia, e empezan a coñecerse e a interactuar entre os tres.

Verde, moi consciente da súa cor, chega a Corlandia e empeza a descubrir este mundo novo, que vai pintando coa súa cor. O primeiro que atopa é un abrocho.

Manuel vai xunto a Tomás a contarlle o que escoitou falar por teléfono a Daniel. Tomás é escéptico co que Manuel di que oiu, aínda así optan por seguir máis de preto os movementos de Daniel cos papeis da granxa. Carmiña e Cosme seguen a pagar a súa falcatruada coas galiñas.

Logo de atopar por sorpresa a María na casa de Óscar pola noite, a tensión entre María e Pili increméntase. Isto acentuado por unha conversa que, por erro, Pili escoita entre Óscar e María. Créase unha situación de confusión, na que Óscar tomará unha decisión abraiante.

En directo.

Presenta Marta Darriba.

Información deportiva a cargo de Terio Carrera.

En directo.

Miro está farto de pagar facturas. O seu cuñado Antón, inspirado nas numerosas asociacións humanitarias que ve ao seu arredor, decide animalo a fundar ‘Morosos sen fronteiras’.

Comedia de enredo sobre a familia Freire, que vive espallada pero en contacto permanente a través dun grupo familiar de ‘ghuasapp’. Nun novo capítulo de ‘Ghuasapp’, Carme recorre a un meigo ante a racha de mala sorte que están a pasar.

Os espectadores descubrirán todos os segredos da cidade, tanto a pé de rúa coma en barco polos canais ou ben dende as alturas, contemplando as vistas da zona vella, coas súas típicas casas de postal. Ademais, os viaxeiros probarán os famosos queixos holandeses Gouda e mais Edam e, por suposto, aprenderán o que son os coffee shops.

Espazo que percorre Europa e Centroamérica facendo unha fotografía do mundo globalizado e amosando as diferenzas entre distintos profesionais en Galicia fronte aos doutras partes do mundo. O programa ocúpase hoxe do traballo dos xeadeiros e dos guías turísticos, en Italia e Galicia. O espazo da TVG estará en Milán, na Ribeira Sacra e na localidade lucense de Taboada.

Cada día, xente que traballa a terra, ben por oficio ou como afección, ofrecerá pequenas e sinxelas leccións coas que transmitirán o seu saber sobre a horta e os seus froitos.

Presentan Marcos Sueiro e Raquel Domínguez. Mercedes Seijo encárgase da información deportiva.

Programa festeiro, que se achega á música e ao ambiente dos concertos e festivais. 'Festigaliando' recollerá esta noite o acontecido na última edición do Festival Revenidas, en Vilaxoán de Arousa.

Programa festeiro, que se achega á música e ao ambiente dos concertos e festivais. 'Festigaliando' falará esta noite cos artistas convidados e cos asistentes ao Festival Osa do Mar, que se celebrou en Burela.

O gato con botas é o encargado de coñecer a vida detrás das cámaras dos invitados. É curioso, preguntón, inquieto, ácido, retranqueiro, inconformista e intrépido.Manuel Manquiña non é un preguntador ao uso, e pode tomarse a liberdade de husmear nos lugares e nos obxectos do entrevistado.