CRTVG

Serie. Dona Laura baralla seriamente vender a súa casa de Santalla e irse a vivir a Vilariz. Balseiro móstrase interesado en comprar os terreos. Aínda que son moitos os veciños que aconsellarán á mestra non vender, ela está case decidida e reunirase con Ramón para negociar o asunto.

Serie. Santalla amence consternada tras a noticia do incendio da casa dos Lamela. Ninguén sabe de certo o que ocorreu e as especulacións dispáranse entre a veciñanza.

Ramón Balseiro converteuse xa no novo alcalde de Santalla, causando máis dun conflito no invernadoiro. O novo rexedor ten claro que co novo negocio dos pisos o invernadoiro non ten xa cabida no pobo, o que crea un enorme balbordo.

Programa de entretemento, en que tres estranxeiros de distintas nacionalidades e que viven en tres localidades diferentes de Galicia contan os motivos polos que deixaron a súa terra e decidiron quedar a vivir en Galicia.

Presenta Eduardo Herrero.

Presenta Marta Darriba.

Información deportiva a cargo de Terio Carrera.

Miguel regresa dos Estados Unidos, onde realizou un curso de inglés, e chega acompañado dunha rapaza americana que coñeceu durante a súa estancia no estranxeiro. O contraste de costumes dará lugar a algunhas situacións cómicas, ao tempo que Miguel descobre xunto a Melanie o amor.

Comedia de enredo sobre a familia Freire, que vive espallada pero en contacto permanente a través dun grupo familiar de ‘ghuasapp’. Nun novo capítulo de ‘Ghuasapp’, Carme recorre a un meigo ante a racha de mala sorte que están a pasar.

Concurso presentado por Rodrigo Vázquez en que cada día unha parella de concursantes opta a gañar un premio de ata 50.000 euros.

O programa chega hoxe a Londres, unha cidade case inabarcable, sen máis medio de transporte que o metro e sen máis necesidade que a de pasalo ben, co cometido de visitar o Goleen Eye, noria –mirador situada fronte á torre do reloxo do Parlamento, o palacio de Buckingham ou a ponte colgante. O mercado de Camden, algo máis afastado do centro da cidade, ou o British Museum, preto do Soho, tampouco quedarán a salvo da vista dos viaxeiros.

Nesta cidade, os intrépidos viaxeiros visitarán, por exemplo, a praza de Jama el Fna, a máis grande e concorrida de Marrocos e de case toda África, con encantadores de cobras, dentistas a pé de rúa, músicos e mil personaxes máis.

Cada día, xente que traballa a terra, ben por oficio ou como afección, ofrecerá pequenas e sinxelas leccións coas que transmitirán o seu saber sobre a horta e os seus froitos.

Presentan Marcos Sueiro e Raquel Domínguez. Mercedes Seijo encárgase da información deportiva.

Presentado por Tonhito de Poi, amosa o traballo de intérpretes emerxentes en lugares inesperados e diferentes do habitual.

Programa festeiro, que se achega á música e ao ambiente dos concertos e festivais. 'Festigaliando' adéntrase esta semana na primeira edición do Recorda Fest.

Programa de madrugada da Radio Galega, dirixido e presentado por Raquel Rosa, que tamén se emite cada noite en directo pola G2. 'Pensando en ti' cédelle o protagonismo absoluto á participación dos oíntes, que comparten en vivo e a través do teléfono, nun ton distendido, experiencias persoais e opinións sobre todo tipo de temas.

Espazo de entrevistas presentado por Manuel Manquiña. Coñecidos actores, presentadores, músicos, científicos, xornalistas, empresarios ou profesionais do deporte abriranlle as portas das súas casas e das súas vidas, amosando facetas descoñecidas.