CRTVG

Rock Brock e Gene desaparecen os dous durante unha expedición e ninguén sabe onde están. En Tecnópole, o Doutor X converte a súa busca nunha emisión que pretende ser un auténtico espectáculo. Coma sempre, os únicos que van poder actuar con seriedade e determinación para encontrar o seu amigo son os nosos heroes, que contarán coa grande axuda de Alien.

Faladoiro informativo presentado por Silvia Pereira e Manuel Estévez dende o estudio multimedia da Radio Galega.

Binky elimina con valentía un alieníxena da estación espacial, pero a misión ten un custo: Ted quedou atrás sen que ninguén se decatase. Agora está no espazo exterior, o patio dianteiro da casa. Despois de que os intentos de Binky por rescatar a Ted fallaran, non lle queda outra que chamar os seus compañeiros de PURST (Protectores do Universo Reunidos para Salvar a Terra) para que lle axuden a devolver a Ted á estación.

A serie segue as aventuras de Binky, un gato doméstico que é ademais un axente espacial coa misión de protexer a súa familia humana de calquera ameaza interestelar. Para iso conta coa axuda de catro mascotas: un can ben simpático chamado Gordon, o peixe retranqueiro Loo, unha doce tartaruga de nome Nola e a gata dos veciños, a capitá Gracie.

Na primeira entrega do concurso infantil 'Pim-pam experimenta' a temática central será o Universo. As diferentes roldas de preguntas versarán sobre este contido. No experimento que hai que resolver da segunda proba deberán construír un sistema solar con fluídos e xa na proba final, que determinará o colexio gañador desta entrega, os pimpeiros e pimpeiras deberán camiñar sobre ovos sen escachalos.

Un acontecemento inesperado sacudirá a vida dos Cabanas, os Lamela e os Freire e provocará un antes e un despois na vila de Santalla. O alcalde, don Román, verase obrigado a fuxir da localidade, atrapado polos seus enganos e malas artes.

A marcha de don Román, o alcalde, provoca alarma en Santalla: todo o mundo fala da súa repentina desaparición. Pero, á marxe disto, a vida continúa e as familias seguen enfrontándose aos seus problemas cotiáns.

A noticia da fuxida de don Román está na boca de todos, xa que, despois de varios días, ninguén coñece o seu paradoiro. A ausencia de Cosme tamén comeza a ser preocupante, María atopa a nota que deixou e non acaba de comprender a súa marcha.

Presenta Eduardo Herrero.

Presenta Marta Darriba.

Información deportiva a cargo de Terio Carrera.

Comedia que retrata a vida cotiá da familia Pereira á fronte do Bar Suízo. A proliferación de negocios que serven a domicilio pizzas, tortillas ou comida chinesa está a facer dano nun bar tradicional como é o de Miro. E se os callos do bar Suízo contan cunha xusta sona por que non ofrecer un servizo semellante? Así nace 'Telecallos'.

Serie de humor protagonizada por unha vidente moi peculiar, por cuxo consultorio pasarán tanto famosos como personaxes de ficción interpretados por actores con problemas do máis singular.

Concurso presentado por Rodrigo Vázquez en que cada día unha parella de concursantes opta a gañar un premio de ata 50.000 euros.

Espazo que percorre Europa e Centroamérica facendo unha fotografía do mundo globalizado e amosando as diferenzas entre distintos profesionais en Galicia fronte aos doutras partes do mundo. O programa 'Corremundos' visita esta semana México para ver as diferenzas con respecto a Galicia no exercicio do sacerdocio e na profesión de cociñeiro. O espazo da TVG percorrerá cun cura un lote de quilómetros polas estradas de Ourense e mergullarase na gastronomía do país azteca.

Espazo que percorre Europa e Centroamérica facendo unha fotografía do mundo globalizado e amosando as diferenzas entre distintos profesionais en Galicia fronte aos doutras partes do mundo. 'Corremundos' contrapón esta semana a actividade dos mercados e dos artesáns de coiro gregos e galegos. Unha semana máis, o programa seguirá comparando o traballo de profesionais que desempeñan o mesmo labor en Galicia e noutros lugares do mundo.

Programa de reportaxes.

Cada día, xente que traballa a terra, ben por oficio ou como afección, ofrecerá pequenas e sinxelas leccións coas que transmitirán o seu saber sobre a horta e os seus froitos. Os mestres de “Polo Rego” ensinarán hoxe a sementar cenorias, construír trampas para velutinas e preparar choucroute.

Programa que ofrece un retrato de hostaleiros e clientes, a través da decoración do espazo ou a variedade de fórmulas que se idearon, ao longo dos tempos, para atender o público: tabernas mariñeiras, cantinas, casas de comidas, cafetarías, tendas-bar, bares-estanco, restaurantes, etc.

Presentan Marcos Sueiro e Raquel Domínguez. Mercedes Seijo encárgase da información deportiva.

Presentado por Tonhito de Poi, amosa o traballo de intérpretes emerxentes en lugares inesperados e diferentes do habitual. Nesta ocasión, a banda Enxeito tocará as súas cancións nunha libraría.

Programa festeiro, que dá mostra dos concertos que hai no verán galego, achegándose á súa música e ambiente. O Festival Sinsal, cuxa vixésima edición se celebrou na illa de San Simón, será protagonista este mércores en 'Festigaliando'.

Documental que afonda na restauración desta obra mestra da catedral de Santiago de Compostela, unha ambiciosa intervención de recuperación integral rematada o ano pasado. O documental revela o longo proceso, desde os estudos previos, a urxencia da actuación e os detalles da limpeza da pedra ou a preservación da policromía, así como a explicación da iconografía do Pórtico e a figura do Mestre Mateo.

Programa que achega a nosa realidade, para vivir as pequenas historias de cada día, da man de Alfonso Tellado, de 62 anos, xubilado da Bazán e de profesión 'galego retranqueiro'.