CRTVG

Faladoiro informativo presentado por Silvia Pereira e Manuel Estévez dende o estudio multimedia da Radio Galega.

Programa de reportaxes.

Programa, dirixido e presentado por X. H. Rivadulla Corcón, que pon en valor o traballo de asociacións e entidades sociais de todo tipo. Os humanos somos seres complexos en todos os conceptos que definen a nosa existencia. Necesitamos entender a nosa conduta e os nosos procesos mentais para lograr unha vida privada e social satisfactoria. Os científicos que estudan estas cuestións englóbanse no Colexio Oficial de Psicoloxía de Galicia.

Programa dirixido por X. H. Rivadulla Corcón que ten como obxectivo dar a coñecer e poñer en valor o traballo das asociacións e entidades sociais galegas. O primeiro programa estará dedicado á Asociación Ourives de Compostela, que reúne o colectivo de artesáns e comerciantes, herdeiros dunha tradición e garantes da actualización desta forma de expresar o ser de Compostela.

Os veciños de Louredo prepáranse para a festa máis pagá. É tempo de Entroido e o local social énchese de máscaras e serpentinas. O concello anuncia unha laconada das que fan historia, con filloas e orellas... e sorpresa para o final da velada.

Josito, de novo en Louredo, é o centro de todos os comentarios. Haberá reconciliación entre o aspirante a funcionario e a súa noiva? Tanto Moncha, irmá do devandito, como Puri, nai da afectada, están moi indignadas pola suposta conduta mullereira do cuñado de alcalde.

Non só Fina e Josito teñen plans de voda en Louredo. Tamén Maite e Miñato preparan o seu enlace, pero non todo son acordos entre eles. Maite quere algo íntimo e romántico. Miñato, pola súa parte, non quere deixar fuxir a oportunidade de celebrar un bodorrio ao grande.

As próximas eleccións municipais están a facer estragos na vila de Santo Antonio de Louredo, sobre todo, porque a crise económica ameaza con ser o tema central da campaña e o alcalde Delmiro terá que agudizar o enxeño, máis que nunca, para promover o seu programa político.

Programa que ofrece un retrato de hostaleiros e clientes, a través da decoración do espazo ou a variedade de fórmulas que se idearon, ao longo dos tempos, para atender o público: tabernas mariñeiras, cantinas, casas de comidas, cafetarías, tendas-bar, bares-estanco, restaurantes, etc.

Presenta Eduardo Herrero.

Presenta Marta Darriba.

Información deportiva a cargo de Terio Carrera.

Serie. No estado de Nevada, ó sur de Virxinia City, entre Reno e máis aló de Carson City, esténdese os máis de 1.500 qm2 do rancho A Ponderosa, propiedade dos Cartwright: Ben, o pai e os seus tres fillos Adam, Hoss, e o pequeno Joe.

Concurso presentado por Rodrigo Vázquez en que cada día unha parella de concursantes opta a gañar un premio de ata 50.000 euros.

Os aventureiros do espazo da Televisión de Galicia terán que idear técnicas de pesca e pasarán a noite nun antigo curro de pastores derruído, demostrando as súas capacidades de supervivencia.

Programa que lles achega aos espectadores galegos toda a actualidade cultural, presentado por Pilar G. Rego (de luns a venres) e María Solar (fin de semana). O espazo ‘Zigzag’ achégase hoxe ao espectáculo ‘Des(a)fiada’, do grupo Zoelas, é á obra de banda deseñada ‘Sentinelas da lúa carmesí’.

Presentan Marcos Sueiro e Raquel Domínguez. Mercedes Seijo encárgase da información deportiva.

Dirixido e presentado pola xornalista Tania Fernández Lombao, este programa descubrirá cada semana na G2 un título do cinema galego cun coloquio e coa súa proxección posterior.

A vida de catro mulleres e unha nena vese alterada pola chegada inesperada de dous forasteiros. Un deles foxe do outro, agochándose pola localidade coma un ser esquivo, fantasmagórico e de dubidosa existencia. O outro, un home ferido e cunha arma, perturbará de diferentes formas o día a día das mulleres, nunha fronteira entre o real e o imaxinado, entre o pesadelo e o sono, entre o medo e o desexo, nunha historia impregnada de misterio.

Espazo que, da man do 'carteiro' Víctor Fábregas, realiza cada sábado un paseo pola nosa terra visitando os lugares e conveciños máis descoñecidos, os máis simpáticos, os máis característicos e os máis sorprendentes, descubrindo así un pouco máis cada recuncho de Galicia. O programa chega hoxe ao Grove na busca dos tesouros agochados desta vila mariñeira.