Faladoiro informativo presentado por Celia Rúa e Luís Ojea dende o estudio multimedia da Radio Galega.

Presenta Almudena R. de Urzáiz, coa información deportiva a cargo de Terio Carrera. Hoxe inclúe unha entrevista con Juan Gestal, catedrático de Medicina Preventiva e saúde pública da Universidade de Santiago, para falar do gromo do hantavirus.

A TVG pon o corpo en movemento con ‘Pulso activo’, un novo formato diario de saúde e benestar. O espazo, presentado por Eddy Insua, propón unha rutina diaria de exercicio adaptado para mellorar a saúde, combater o sedentarismo e encher as mañás de enerxía positiva.

A TVG pon o corpo en movemento con ‘Pulso activo’, un novo formato diario de saúde e benestar. O espazo, presentado por Eddy Insua, propón unha rutina diaria de exercicio adaptado para mellorar a saúde, combater o sedentarismo e encher as mañás de enerxía positiva. Na clase de hoxe, Eddy propón unha sesión con 'step' e 'kettlebell' centrada no cardio e na forza. Anxo, Noemi, Raquel e Estrella acompáñano nesta rutina esixente. Nos testemuños, comparten as sensacións e impresións que lles deixou a práctica dos exercicios.

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade. Arranca a semana das Letras Galegas nos contidos de ‘O termómetro', que tamén ensinará a aforrar na cesta da compra e o custo de ter un empregado.

Presenta Raúl Quián.

Presenta Marta Darriba.

Información deportiva a cargo de Sevi Martínez.

Concurso presentado por Rodrigo Vázquez. O 'Atrápame se podes' inicia outra semana con cinco novos concursantes. Rodrigo Vázquez recibe no estudio a Carmiña, de Santa Comba; Fini, de Marín; Gonzalo, de Vigo; Óscar, de Ourense, e Pablo, de Vilagarcía de Arousa. O bote comeza o programa nos 29.500 euros.

Formato de entretemento que combina concurso, emoción e espontaneidade nun escenario tan cotián como imprevisible: un taxi en movemento. Presentado por Carla Núñez, o programa transforma cada traxecto nun espontáneo estudo televisivo sobre rodas e nun reto en que o coñecemento, a rapidez mental e os nervios serán decisivos. No programa de hoxe, os espectadores coñecerán a Manuel, Xián e Sergio, tres participantes que se enfrontan ao concurso durante o traxecto de Ortoño a Brión. Ao longo do camiño deberán responder a diferentes preguntas que farán variar o bote: cada acerto engade puntos e cada erro resta. O premio final dependerá do equilibrio que atopen entre audacia e precisión, e a súa puntuación pode quedar debaixo de cero.

Proposta de entretemento fresca, divertida e chea de personalidade en que o dúo humorístico Todo Mal se mergulla nas vodas máis emocionantes, sorprendentes e inesquecibles do programa ‘Casamos!’.

Programa vivo e variado, presentado por Quique Morales e Rocío Durán, onde as grandes protagonistas son as historias cotiás dos galegos e galegas.

Programa de 'zapping' que recompila os momentos máis divertidos nos programas da TVG.

Programa de 'zapping' que recompila os momentos máis divertidos nos programas da TVG.

Os mellores momentos do espazo de cociña presentado por Fran Cañotas.

Presenta Pablo Muñoz. Lorena Pose encárgase da información deportiva.

O ‘Land Rober + Show’ chega disposto a revolucionar as noites da Televisión de Galicia. O programa conducido por Roberto Vilar dá un paso de xigante con este novo formato diario, de luns a xoves. Un espazo renovado, cheo de ritmo, humor e moitas sorpresas, que promete facer rir como nunca. O programa de humor adéntrase hoxe nas relacións de parella e no amor romántico, amais de sacarlle punta á polémica sobre as gárgolas do Hostal dos Reis Católicos.

Novo formato de investigación que combina xornalismo de sucesos, reconstrución de crimes reais e exploración do misterio. Conducido por Patricia Abet, acompañada por unha mesa de especialistas e perfís vinculados a cada historia. ‘Expediente Oculto' analiza hoxe, en profundidade e con imaxes inéditas, o dobre crime da rúa Oporto de Vigo. O programa tamén falará da desaparición do psiquiatra Alfonso Mozos, cuxa pista se perdeu hai oito anos, e do traballo da UIFO, o CSI dos incendios forestais en Galicia.

A TVG métese 'Na mente do asasino' para afondar no perfil das persoas que cometeron algúns dos crimes máis impactantes dos últimos tempos en Galicia. O programa, que consta dun documental e dunha mesa de debate moderada polo xornalista Pablo Carballo, analizará as causas e os mecanismos que os levaron a cometer eses crimes. ‘Na mente do asasino' retrotráese a setembro de 1925 para abordar o crime dos bebedores de sangue de Agolada. Os Mejuto acabaron coa vida dun veciño de apenas dous anos para intentar curar o seu fillo enfermo de tuberculose.

Un grupo de indios Kiowas obrigan a un cazador de peles a deixar todas as súas pezas a cambio dun escravo negro. Pero o asunto non queda así. Cando intenta recuperalas, uns bandidos adiántanselle, matan os indios, quítanlles o coiro cabeludo e marchan co cargamento do cazador, que non vai parar ata recuperalo.

Programa que lles achega aos espectadores galegos toda a actualidade cultural, presentado de luns a venres por Pilar G. Rego e por María Solar os sábados. O compostelán Marcos Coll, referente mundial da harmónica, é hoxe o convidado do programa 'Zigzag'.

Tomás non se imaxina que Laura vai volver. María intenta pensar que é normal que non sinta moverse o neno. E a Ramón non se lle pasa pola cabeza que Lupe o vai desobedecer cando Álvaro esperta. A pesar das advertencias do médico e da familia, Manuel xa está a traballar para sacar adiante Cárnicas Santalla. Para asegurarse un futuro coa granxa, está convencido de contar con Freire, pero decátase de que a intención do indiano é comprar a parte de Tomás, deixándoo a el só. O Cabanas queda afundido, pero non sabe que a decisión de Freire ten que ver co seu estado de saúde.

María perdeu o neno e non quere volver ver a Marcos, pero cando vai xunto a Óscar, ambos os dous dubidan de se haberá algún xeito de poderen estar xuntos. Pola conversa que escoitou, Deli pensa que o seu home vai morrrer, pero o certo é que aínda non recibiu a noticia de se o tumor de Freire é benigno ou maligno. Pola súa parte, Ramón pensa que ten todo baixo control, pero con Álvaro esperto e sen conseguir poñerse en contacto con Lupe, só hai tempo para unha medida desesperada.

Sara, Cosme e Lolo chegan á casa dos Pardo Veiga. Son recibidos por Marisiña que, máis que alegrarse de velos, ínstaos a aprender rapidamente as estritas normas da familia da que están ao servizo.

Tras a revelación do primeiro capítulo de que don César é o pai de Nino, o magnate dos negocios debátese sobre se cumprir ou non a vontade da nai moribunda de ver por última vez o seu fillo.