Presenta Almudena R. de Urzáiz, coa información deportiva a cargo de Terio Carrera. Hoxe inclúe unha entrevista á xornalista María Solar.

A TVG pon o corpo en movemento con ‘Pulso activo’, un novo formato diario de saúde e benestar. O espazo, presentado por Eddy Insua, propón unha rutina diaria de exercicio adaptado para mellorar a saúde, combater o sedentarismo e encher as mañás de enerxía positiva.

Na clase de hoxe, Eddy, o noso preparador, propón unha sesión de cardio con halteres de man e esteira. Anxo, Noemi, Raquel e Estrella acompáñano nesta rutina esixente. Nos testemuños, comparten as sensacións e impresións que lles deixou a práctica dos exercicios e ademais falan da clase extra de abdominais de Anxo e Raquel e de se lles gusta bailar a cada un.

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade. ‘O termómetro’ analiza hoxe a preocupación dos cubanos en Galicia e os efectos da suba da luz, do combustible e da falta de vivenda.

Programa de 'zapping' que recompila os momentos máis divertidos nos programas da TVG.

Presenta Raúl Quián.

Presenta Marta Darriba.

Información deportiva a cargo de Sevi Martínez.

Concurso presentado por Rodrigo Vázquez. Iníciase outra semana no ‘Atrápame se podes’ e recibe no estudio a nova tripulación, que está formada por Alba, de Ourense; Cris, de Arteixo; Paula, de Vilagarcía de Arousa; Suso, de Santiago de Compostela, e Toño, tamén de Santiago. O bote do programa está en 20.800 euros e todos deben superar as distintas fases para loitar por el no 'Minuto final'.

Magazine divertido e participativo, en directo, presentado por Juan Fuentes e Raquel Atanes, que entretén os espectadores con contidos frescos e sorprendentes.

Programa vivo e variado, presentado de luns a venres por David Espiño e Rocío Durán, e por María Lamela e Adrián Díaz, nas fins de semana, onde as grandes protagonistas son as historias cotiás dos galegos e galegas.

Presenta Pablo Muñoz. Lorena Pose encárgase da información deportiva.

O ‘Land Rober + Show’ chega disposto a revolucionar as noites da Televisión de Galicia. O programa conducido por Roberto Vilar dá un paso de xigante con este novo formato diario, de luns a xoves. Un espazo renovado, cheo de ritmo, humor e moitas sorpresas, que promete facer rir como nunca. O programa recibirá un convidado vinculado ao mundo empresarial e comentará os episodios máis curiosos da gala dos Oscar.

‘Expediente oculto’ reconstrúe o crime de Lalín: en 2010, o matrimonio Mouriño planifica e executa o asasinato da súa propia filla mentres dorme, nun caso de filicidio que conmocionou Galicia. O programa achégase tamén ao antigo edificio xudicial e prisión de Vigo, hoxe convertido en museo, onde entre as súas paredes seguen circulando relatos de pasos, murmurios e portas que parecen pecharse soas. E na actualidade, poñemos o foco no aumento da contratación de alarmas nas casas galegas ante o medo ás bandas itinerantes de ladróns. O crime dos Mouriño, un impactante parricidio ocorrido en Lalín en 2010, protagonista hoxe en 'Expediente Oculto'. Os espectadores coñecerán o pasado do Marco de Vigo, antiga prisión, e saberán os motivos do aumento da contratación de alarmas nas casas galegas.

Detrás do roubo das xoias da Coroa agóchase Pascal Sauvage, que tamén conspira para apoderarse do trono. Encárganlle a investigación do caso a Johnny English, un axente tan entregado ao traballo como inexperto. Desde ese momento, a información confidencial, os coches de luxo e a tecnoloxía máis sofisticada forman parte da súa rutina diaria. A súa firme determinación para chegar ao fondo do asunto verase reforzada cando coñeza a axente dobre Lorna Campbell e se namore dela.

As cousas na casa dos Cabanas non van ben. Sara séntese soa e algo desamparada. Non dá abasto coas tarefas domésticas, por non falar dalgúns accidentes na casa e da febre de Lolo.

María segue atormentada polo asunto de Marcos e Maribel. O seu pai intenta convencela para que se distraia e fai que Tomas a acompañe. A Marcos non lle vai moito mellor. Mentres Maribel campa ás súas anchas pola casa dos Lamela, Marcos vese desprazado.

A presenza e a actitude de Maribel en Santalla violentan a todo o mundo. Marcos tomará unha determinación que porá a Laura contra as cordas. Don Román intenta sacar partido. María segue sen consolo. Milucho é incapaz de interceder. Maribel, cun ás na manga, pode comprometer seriamente a Laura.

Faladoiro informativo presentado por Celia Rúa e Luís Ojea dende o estudio multimedia da Radio Galega.