A TVG pon o corpo en movemento con ‘Pulso activo’, un novo formato diario de saúde e benestar. O espazo, presentado por Eddy Insua, propón unha rutina diaria de exercicio adaptado para mellorar a saúde, combater o sedentarismo e encher as mañás de enerxía positiva.

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade. No primeiro programa do ano, ‘O termómetro' analiza a suba de prezo da AP-9, os sucesos máis recentes e prepárase para o sorteo da lotaría do neno.

Programa especializado no sector pesqueiro galego. Entre os seus obxectivos principais está a análise dos novos aspectos e retos da economía que xira en torno ao mar.

Espazo dedicado á igrexa evanxélica que presenta Xaime Fernández Garrido. Inclúe entrevistas e reportaxes.

As cinco dioceses de Galicia organizaron conxuntamente a primeira Asemblea Interdiocesana de Vocacións, que se celebrou no Seminario Apóstolo Santiago. O encontro busca crear na nosa comunidade un espazo propio para afondar na realidade vocacional desde a perspectiva da Igrexa galega.

Presenta Chus Tanoira.

Sétima temporada dun programa que busca o mellor intérprete entre oito concursantes seleccionados. Música e emoción van da man neste espazo, que está presentado por María Mera, con Iago Pico, Carolina Rubirosa, Roi Casal e Antón Reixa como membros do xurado, e coas catro mellores orquestras do país: Panorama, París de Noia, Olympus e Los Satélites.

Alba, natural da Coruña, Justo, do Porriño, e Francisco, de Ames, participan no programa ‘Gaña a túa aldea’. A súa bagaxe cultural e os coñecementos particulares sobre o territorio daralles opcións de ganar e continuar concursando un día máis.

Presenta Chus Tanoira.

Presentan Antía Araújo e David Valverde.

Irene Lourido encárgase da información deportiva.

Programa vivo e variado, presentado de luns a venres por David Espiño e Rocío Durán, e por María Lamela e Adrián Díaz, nas fins de semana, onde as grandes protagonistas son as historias cotiás dos galegos e galegas.

Docu-reality de reformas en que unha arquitecta percorrerá a xeografía galega na procura dos feísmos máis comúns, para poñerlles remedio xunto cos veciños e o seu ‘equipo de arranxos’. ‘Galicia Bonita' atópase esta noite cun muro difícil de derribar na reforma dunha vivenda en Ponteareas. O equipo liderado por Rosa Facal atoparase cunha casa pechada nun espazo moi estreito e o seu obxectivo será mellorar a sensación de diafanidade.

A historia de amor entre 'Imos ao choio' e as reformas é ben coñecida. Pero hoxe veremos se un novo sentimento se abre paso entre madeiras, pinturas e agullas. En ocasións, o amor pode doer, pero compartir tempo xuntos sempre compensa. Veremos se esta explosión de sentimentos non acaba por lastrar a obra... e se Inda e Julio conseguen completar todo o choio a tempo. Os reformadores de ‘Imos ao choio’ intentarán axudar hoxe unha avoa de Rianxo que quere ter unha zona de xogos para os seus netos

Especial que recompila as actuacións musicais máis emblemáticas e curiosas dos 40 anos de historia da TVG. Coa narración de Kiko Novoa, a voz das mañás da Radio Galega, os espectadores verán artistas internacionais, nacionais e galegos, e escoitarán os temas máis coñecidos dos cantantes e grupos que máis triunfaron.

Presentan Antía Araújo e David Valverde. Irene Lourido encárgase da información deportiva.

Novo formato de investigación que combina xornalismo de sucesos, reconstrución de crimes reais e exploración do misterio. Conducido por Patricia Abet, acompañada por unha mesa de especialistas e perfís vinculados a cada historia. ‘Expediente oculto' reconstrúe hoxe o impactante crime da rúa Areal de Vigo e analiza o peche xudicial do caso. O programa aborda tamén a lenda da Casa da Escusalla, o caso de Yoel Quispe e as estafas máis habituais do Nadal.

A TVG entra en acción con 'Código 092: en primeira liña', unha docuserie que leva os espectadores ao corazón da acción da Policía Local en distintas cidades galegas. Sen filtros nin artificios, cada episodio amosa o lado máis real e imprevisible dun servizo público que nunca se detén.

Espazo deportivo presentado por Gustavo Varela, que aposta polo fútbol galego, con especial atención ao Celta e ao Deportivo.

‘Rescates. No fío do milagre’ retrata os casos reais máis extremos que levan aos equipos de salvamento a probar os seus propios límites. Por terra, mar e aire, gardacostas, sanitarios, pilotos ou mergulladores baixan ás simas máis fondas, soben aos cantís máis altos e traballan nas ondas máis bravas para salvar persoas que precisan axuda, conseguindo rescates ‘no fío do milagre’. Nas montañas do leste de Galicia a neve marca a última fronteira. Os especialistas do GREIM da Garda Civil en Trives fan prácticas coa súa cadela Dana para rescates extremos en xeo e avalanchas. Nos Ancares, Protección Civil e gardas forestais interveñen cada inverno para salvar vidas cando un manto branco cobre os bicos dos maiores cordais do país.

Espazo deportivo presentado por Gustavo Varela, que aposta polo fútbol galego, con especial atención ao Celta e ao Deportivo.

Musical presentado por Xosé Ramón Gayoso e Aitana del Mar. Ofrece humor, concursos e as actuacións máis destacadas da música galega e nacional. Manu Tenorio e Verónica Romero, dous dos artistas máis queridos da primeira xeración de 'OT', actúan hoxe no primeiro 'Luar' do ano. Tamén pasarán polo escenario X4VI, a orquestra Miramar, o Rancho de Reis das Cortellas e a Rondalla de Santa Eulalia de Mos.

Comedia que retrata a vida cotiá da familia Pereira á fronte do Bar Suízo.

Comedia que retrata a vida cotiá da familia Pereira á fronte do Bar Suízo.

Comedia que retrata a vida cotiá da familia Pereira á fronte do Bar Suízo.