Espazo gastronómico presentado por Xoanqui Ameixeiras, un cociñeiro próximo e familiar que amosa en cada edición, dun xeito sinxelo, como elaborar a receita dun prato que sorprenderá polo seu atractivo e sabor.

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade. 'O Termómetro' comeza o mes de agosto con consellos para facer de xeito eficiente a maleta de vacacións e para alugar un coche durante as viaxes.

Espazo dedicado á igrexa evanxélica que presenta Xaime Fernández Garrido. Inclúe entrevistas e reportaxes.

A diocese de Ourense organiza por segundo ano o campamento diocesano na casa de convivencia situada en Porto do Son. Durante unha semana, uns 90 nenos e mozos comparten tempo de praia, actividades recreativas, educativas e tamén momentos de oración, nun ambiente propicio para o crecemento espiritual e persoal.

Presenta Chus Tanoira.

Programa especializado no sector pesqueiro galego. Entre os seus obxectivos principais está a análise dos novos aspectos e retos da economía que xira en torno ao mar.

Neste programa aprendemos diferentes estratexias para reducir e mellorar o uso das pantallas entre os nenos. O programa ‘Pais en apuros’ aborda esta semana a relación dos nenos coa tecnoloxía.

‘A Superfesta’ é a nova da TVG para os mércores deste verán. Coa participación estelar de Bruno e Borjamina, dous dos coñecidos Mozos de Arousa, o programa percorrerá as mellores festas de Galicia. Nunha nova aventura de 'A Superfesta', Bruno e Borjamina gozarán esta semana das Festas do Apóstolo de Santiago. Terán a oportunidade de vivir en primeira persoa a música, os desfiles de xigantes e cabezudos e a chegada de milleiros de peregrinos á capital de Galicia.

Espazo presentado por Alba Mancebo e o personaxe de Liciña, que emprega as novas tecnoloxías ao servizo de formatos audiovisuais inéditos. A vista de dron, amósalle á audiencia da TVG a paisaxe e os costumes galegos.

Presenta Alberto Mancebo.

Presenta Raquel Domínguez.

Irene Lourido encárgase da información deportiva.

O equipo do programa chega a Redondela para montar a festa na Alameda de Castelao. Fran Nogueira é o pregoeiro deste programa e contamos coas actuacións de Guillermo Castro, das Afoutiñas e do Aquí Galicia Band. 'Aquí Galicia Fest' chega esta tarde a Redondela, con música, gastronomía e maxia, e co actor Fran Nogueira como pregoeiro.

Dani Polo visita a vila de Sarria na procura de concursantes dispostos a gañar 100 euros. Os viandantes máis valentes aceptarán o reto de diferenciar a información verdadeira da falsa para obter 20 euros por cada acerto.

Programa vivo e variado, presentado de luns a venres por David Espiño e Rocío Durán, e por Paula Señarís e Adrián Díaz, nas fins de semana, onde as grandes protagonistas son as historias cotiás dos galegos e galegas.

A Televisión de Galicia retransmite este domingo, en directo desde Vigo, a procesión do Cristo da Victoria, un evento multitudinario considerado como un dos grandes fitos da Semana Grande da cidade olívica, que será comentado polo xornalista da TVG Moncho Lemos.

Presentan Irene Lourido e Alberto Mancebo. Tomás Alonso encárgase da información deportiva.

Empezamos outra semana no ‘Eu sei + ca ti’ e seguen con nós os bergantiñáns de “Non lle apuntas a un cesto” (Hadrián, Pablo e Vítor). Van loitar con eles polos 6.000 euros da caixa forte dous novos equipos: os “Vetsenfron” (Roi, Cathaysa e Nico), que veñen dende Lugo, e os “Sen Cancelas” (Carmiña, Manuela e Merchi), que chegan dende Santa Comba.

A TVG aposta polo ritmo con 'Bailamos Celebrity', o novo show en que cada domingo compiten doce famosos solidarios. Juan Fuentes presenta este novo espectáculo, en que o público e un xurado elixen un gañador semanal, que doará o premio á entidade benéfica que escolla. Éxitos como 'Terra', 'Everybody needs somebody' e 'Nochentera' soarán este domingo en 'Bailamos Celebrity'. Os 12 concursantes darano todo con coreografías rompedoras nesta nova e emocionante entrega do programa.