Faladoiro informativo presentado por Celia Rúa e Luís Ojea dende o estudio multimedia da Radio Galega.

Presenta Almudena de Urzáiz, coa información deportiva a cargo de Carlos Macía.

A TVG ofrece, en directo, a primeira xornada do Debate anual de política xeral, coa intervención do presidente da Xunta, Alfonso Rueda. A emisión, presentada desde o estudio de San Marcos por Carlos Amado, cos comentarios do xornalista Jesús Fontenla no Parlamento, incorpora intérprete en lingua de signos.

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade. As novas arredor do Papa Francisco, hoxe en ‘O termómetro', que tamén asiste en Mos ao furancho Zapateira e á feira cabalar de Moeche, entre outros contidos.

Presenta Raúl Quián.

Presenta Marta Darriba.

Información deportiva a cargo de Terio Carrera.

Presentado por Carlos Amado desde San Marcos, cos comentarios de Jesús Fontenla no Parlamento de Galicia, sesión de tarde da primeira xornada do Debate anual de política xeral. En directo, a TVG ofrecerá as intervencións dos voceiros dos grupos -de menor a maior representación-, con quendas que non poderán exceder os 45 minutos. A todos eles daralles réplica Alfonso Rueda. Os grupos volverán ter outra quenda de 15 minutos e finalmente pechará a xornada o presidente da Xunta.

Presenta Pablo Muñoz. Mercedes Seixo encárgase da información deportiva.

Presentado por Noelia Rey, este novo programa propón un reto único: conseguir que un famoso ensine a súa cidade como nunca antes a un convidado sorpresa e o convenza de quedar nela por uns días.

Neste episodio o Diego González Rivas exerce como anfitrión de Alba Carrillo na Coruña. O médico intenta convencer a súa visitante de que A Coruña é o lugar ideal para pasar uns días de vacacións, pero é Alba quen debe tomar a decisión final: quedar na Coruña ou coller o billete de volta e regresar a Madrid. Para conquistar a súa visitante, Diego ten preparadas varias experiencias coas que amosar a súa A Coruña máis persoal: unha visita ao impresionante monte de San Pedro, un paseo pola zona de viños, un xantar de alto nivel con vistas ao mar e mesmo unha sesión de surf. O médico Diego González Rivas descóbrelle A Coruña a Alba Carrillo, en ‘A miña gran cidade'. A coñecida modelo e comunicadora, encantada co seu anfitrión, coñecerá a cidade e a súa gastronomía.

Almudena, chacineira con 15 anos de experiencia, deixa os coitelos do xamón para empuñar desaparafusadores no programa ‘Nin oficio nin beneficio’. Hoxe, afrontará un cambio radical ao traballar nun cemiterio de coches en Ourense, onde esta muller de armas tomar demostrará a súa capacidade de adaptación nunha contorna completamente diferente. O programa pon hoxe unha chacineira a traballar nun desgüace.

Cinco anos despois de rematar a Guerra Civil Norteamericana, o coronel confederado Morsman Carver contrata varios homes para que lle axuden a capturar nas Montañas Rocosas a Gideon, un home do que xurou vingarse.