Programa de cociña presentado polo chef Iván Mariñas, que se pon ao mando dos fogóns con receitas sinxelas para toda a familia, cheas de sabor e de produtos galegos.

A TVG tómalle a temperatura ao día a día dos galegos con ‘O termómetro’, o novo magazine das mañás, presentado por Rocío Delgado e Bernardo Montaña. Centrado na realidade social galega, ofrecerá unha ampla cobertura en directo da actualidade e, da man de expertos, tratará os temas que máis preocupan os espectadores. O magazine ‘O Termómetro’ coñecerá na Veiga o Belén máis alto de Galicia e visitará a coñecida romaría de Santo Andrés de Teixido.

Espazo dedicado á igrexa evanxélica que presenta Xaime Fernández Garrido. Inclúe entrevistas e reportaxes.

A diocese de Mondoñedo-Ferrol pon en marcha a Escola Diocesana de Evanxelización. Con esta iniciativa busca crear grupos de crentes adultos que, dende un plan de formación para a misión, fortalezan a identidade cristiá e saiban anunciar a ledicia do Evanxeo.

Presenta Chus Tanoira.

Programa especializado no sector pesqueiro galego. Entre os seus obxectivos principais está a análise dos novos aspectos e retos da economía que xira en torno ao mar.

Programa que lles achega aos espectadores galegos toda a actualidade cultural, presentado a diario por Pilar G. Rego e por María Solar os xoves. O cultural conversa este domingo coa coruñesa Marta Villar, gañadora do XLI Premios Xerais 2024 pola súa segunda novela ‘Detective Ferruchi’.

Programa de entrevistas que ten como protagonistas mulleres relevantes na nosa comunidade. Presentado por Estíbaliz Veiga. No programa de hoxe, a presentadora Patricia Pardo fala do seu traballo actual e lembra a súa vida en Galicia.

Espazo presentado por Alba Mancebo e o personaxe de Liciña, que emprega as novas tecnoloxías ao servizo de formatos audiovisuais inéditos. A vista de dron, amósalle á audiencia da TVG a paisaxe e os costumes galegos. Alba Mancebo celebra o Samaín descubrindo lugares que tiveron un pasado glorioso pero, nos que o abandono e o vandalismo, converteron en lugares de medo. Visitalos supón un reto que lle propoñen Liciña e os seus novos compañeiros artificiais, GALGPT e Iaguiño, un grupo de tres drons con moita personalidade e únicos no panorama televisivo.

Presenta Alberto Mancebo.

Presenta Raquel Domínguez. Irene Lourido encárgase da información deportiva.

‘Superbamboleo’ coa cantante Natalia e o artista galego Eris Mackenzie. Lucía Regueiro presenta o programa xunto co inimitable actor e cómico Víctor Fábregas. Reciben a artista Natalia, que presenta a súa nova canción “Nadie más” e o músico Eris Mackenzie, que xunta a música tradicional co ‘minimal techno’ no tema “O lavadoiro” e estrea neste Superbamboleo “Soa”, unha canción que forma parte dun próximo disco. O programa chega hoxe á TVG coa música da cantante andaluza Natalia e do galego Eris Mackenzie.

Programa presentado por Lucía Regueiro, en que seis aspirantes sen experiencia previa no mar se enrolarán no barco Playa de Sanxenxo. Ás ordes do capitán Sauro Martínez e coa axuda da súa tripulación, os participantes enfrontaranse a desafíos e tarefas propias dun barco pesqueiro. Comeza a segunda fase de ‘Pesca total’ con xa só catro aspirantes na travesía cara ao gran premio do programa.

Programa vivo e variado, presentado de luns a venres por David Espiño e Rocío Durán, e por Paula del Fraile, nas fins de semana, onde as grandes protagonistas serán as historias cotiás dos galegos e galegas.

Miguel, natural da Coruña, María, de Laxe, e Julia, de Viveiro, participan no programa ‘Gaña a túa aldea’. A súa bagaxe cultural e os coñecementos particulares sobre o territorio daralles opcións de ganar e continuar concursando un día máis.

Presentan Irene Lourido e Alberto Mancebo. Tomás Alonso encárgase da información deportiva.

Presentado por Paco Lodeiro, este concurso de preguntas e respostas convida o espectador a xogar desde a casa e dálles aos concursantes a posibilidade de gañar importantes premios. O bote do ‘Atrápame se podes, chanzo arriba’ segue imparable e suma xa 9.000 €. Santi, de Cambados; Loreto, de Cabanas; Hugo, de Sanxenxo; Alba, de Redondela, e a nova incorporación, Tomás, de Lugo, son quen van loitar xa sexa polo premio, xa pola súa permanencia, xa polo petisco de 200 € no caso de non acertar algunha das preguntas do 'Minuto final'.

Os cantos de taberna regresan á Televisión de Galicia cunha nova temporada de ‘Traes unha cantiga?’. Co cometido de poñer en valor a música galega a través desta tradición tan arraigada no noso país, o programa que presenta Noelia Rey percorrerá novas comarcas galegas en busca da cantiga máis popular e a mellor interpretada. O espazo busca hoxe os temas de taberna máis populares de Marín e da comarca do Morrazo. Os tres grupos participantes serán amadriñados pola autora e intérprete Najla Shami, que se une ao xurado formado por Xurxo Fernándes e Samuel González.

Presentado por Arturo Fernández, o programa conta coas mellores formacións galegas, achega conversas cos músicos e cantantes sobre curiosidades das letras das cancións que interpretarán, a maneira en que adaptaron os temas ou divertidas anécdotas.

Programa presentado por Lucía Regueiro, en que seis aspirantes sen experiencia previa no mar se enrolarán no barco Playa de Sanxenxo. Ás ordes do capitán Sauro Martínez e coa axuda da súa tripulación, os participantes enfrontaranse a desafíos e tarefas propias dun barco pesqueiro. Comeza a segunda fase de ‘Pesca total’ con xa só catro aspirantes na travesía cara ao gran premio do programa.

Presentan Irene Lourido e Alberto Mancebo. Tomás Alonso encárgase da información deportiva.

Espazo que porá a proba os coñecementos de tres concursantes sobre Galicia e a nosa cultura. Duarte Galbán presenta este novo ‘quiz show’, apoiado por Mari Carmen, unha intelixencia artificial que selecciona preguntas e comarcas ao azar.

Musical presentado por Xosé Ramón Gayoso e Esther Estévez. Ofrece humor, concursos e as actuacións máis destacadas da música galega e nacional. As míticas cancións de Mocedades e os sons de DJ Son1c soarán este venres no escenario de 'Luar'. Tamén están convidados á velada musical da TVG a orquestra Solymar, o grupo de voces Sons de Celeiro e a agrupación A Telleira do Centro Cultural A Pontevella.