Programa de cociña presentado polo chef Iván Mariñas, que se pon ao mando dos fogóns con receitas sinxelas para toda a familia, cheas de sabor e de produtos galegos.

A TVG tómalle a temperatura ao día a día dos galegos con ‘O termómetro’, o novo magazine das mañás, presentado por Rocío Delgado e Bernardo Montaña. Centrado na realidade social galega, ofrecerá unha ampla cobertura en directo da actualidade e, da man de expertos, tratará os temas que máis preocupan os espectadores. O espazo ‘O Termómetro’ coñece hoxe en Tui un curioso hórreo mecanizado, deseñado por un veciño para facilitar o proceso de almacenamento do seu millo.

Espazo dedicado á igrexa evanxélica que presenta Xaime Fernández Garrido. Inclúe entrevistas e reportaxes.

A catedral de Lugo goza do privilexio inmemorial de ter exposto permanentemente o Santísimo Sacramento no seu Altar Maior. Consecuencia deste feito é a concesión da Indulxencia plenaria, cotiá e perpetua a todos aqueles que recen ante o Santísimo e cumpran as condicións habituais.

Presenta Chus Tanoira.

Programa especializado no sector pesqueiro galego. Entre os seus obxectivos principais está a análise dos novos aspectos e retos da economía que xira en torno ao mar.

Programa que lles achega aos espectadores galegos toda a actualidade cultural, presentado a diario por Pilar G. Rego e por María Solar os xoves. O escritor Antonio Fraga presenta a súa novela infantil ‘Mica, cuarzo y feldespato’ nunha edición especial de ‘Zigzag’ que, no marco da Semana coa Infancia de UNICEF, contará coa presenza de cativos no estudio.

Programa de entrevistas que ten como protagonistas mulleres relevantes na nosa comunidade. Presentado por Estíbaliz Veiga. A cardióloga ourensá María Crespo, unha auténtica referencia mundial neste ámbito, convidada hoxe en ‘Din que non falan’

Presenta Alberto Mancebo.

Presenta Raquel Domínguez. Irene Lourido encárgase da información deportiva.

‘Superbamboleo’ coa visita do actor e cómico Víctor Fábregas, que conduce o programa xunto con Lucía Regueiro. O convidado estrela é Serafín Zubiri, que interpreta temas como “Todo esto es la música”, co que representou a España en Eurovisión, e outros como “Libre” ou “Un beso y una flor”, en homenaxe a Nino Bravo. A música galega chega co Grupo Tania Veiras, que anima o público con popurrís de éxitos perfectos para mover as cadeiras. Hai xogos cos artistas e premios para as catro comisións que compiten na “Jrileira”. Serafín Zubiri e o grupo Tania Veiras actúan hoxe no programa. Haberá premios para catro novas comisións que se enfrontarán nas xa míticas probas das ‘Superprendas’ e do ‘Mentireiro verdadeiro’ .

Programa presentado por Lucía Regueiro, en que seis aspirantes sen experiencia previa no mar se enrolarán no barco Playa de Sanxenxo. Ás ordes do capitán Sauro Martínez e coa axuda da súa tripulación, os participantes enfrontaranse a desafíos e tarefas propias dun barco pesqueiro. Despois da eliminación dun concursante, comeza esta semana a segunda fase do programa.

Programa vivo e variado, presentado de luns a venres por David Espiño e Rocío Durán, e por Paula del Fraile, nas fins de semana, onde as grandes protagonistas serán as historias cotiás dos galegos e galegas.

Iván, natural do Milladoiro, Miguel, da Coruña, e Óscar, da Coruña, participan no programa ‘Gaña a túa aldea’. A súa bagaxe cultural e os coñecementos particulares sobre o territorio daralles opcións de ganar e continuar concursando un día máis.

Presentan Irene Lourido e Alberto Mancebo. Tomás Alonso encárgase da información deportiva.

Presentado por Paco Lodeiro, este concurso de preguntas e respostas convida o espectador a xogar desde a casa e dálles aos concursantes a posibilidade de gañar importantes premios. Manu, da Coruña; Míriam, de Porto do Son; Sergio, de Malpica; Sara, de Vigo, e a nova incorporación, Loreto, de Cabanas, son os aspirantes a facerse co bote no ‘Atrápame se podes, chanzo arriba’. O gran premio sitúase xa nos 8.000 €. Se o finalista non consegue o bote, leva o petisco de 200 € logo de xogar o 'minuto final'.

Os cantos de taberna regresan á Televisión de Galicia cunha nova temporada de ‘Traes unha cantiga?’. Co cometido de poñer en valor a música galega a través desta tradición tan arraigada no noso país, o programa que presenta Noelia Rey percorrerá novas comarcas galegas en busca da cantiga máis popular e a mellor interpretada. O Furancho O Pilón acollerá hoxe as primeiras interpretacións da temporada, en que se porá a proba o grupo +Q Cantigas, as Cantareiras Bulideiras e A banda do Sequío. O xurado permanente que avaliará a competición estará formado por Xurxo Fernandes, un dos maiores expertos na música tradicional galega, e Samuel González, guitarra e voz do grupo indie de The Rapants; mentres que a madriña destas tres formacións e que formará parte do xurado, será a cantautora Antía Muíño.

‘Grandes Cachadas’ volve polo Nadal cun programa especial dedicado a Treixadura, un dos grupos que máis festa e ledicia reparte coa súa música.

Programa presentado por Lucía Regueiro, en que seis aspirantes sen experiencia previa no mar se enrolarán no barco Playa de Sanxenxo. Ás ordes do capitán Sauro Martínez e coa axuda da súa tripulación, os participantes enfrontaranse a desafíos e tarefas propias dun barco pesqueiro. Despois da eliminación dun concursante, comeza esta semana a segunda fase do programa.

Presentan Irene Lourido e Alberto Mancebo. Tomás Alonso encárgase da información deportiva.

Musical presentado por Xosé Ramón Gayoso e Esther Estévez. Ofrece humor, concursos e as actuacións máis destacadas da música galega e nacional. A Semana coa Infancia de UNICEF, protagonista esta noite nun 'Luar' que recibirá a visita da cantante cubana Lucrecia. O programa tamén contará coas actuacións, entre outros, do Orfeón Mariñeiro do Berbés e do grupo de baile e música tradicional Rebulir.