Faladoiro informativo presentado por Celia Rúa e Luís Ojea dende o estudio multimedia da Radio Galega.

Presenta Almudena R. de Urzáiz, coa información deportiva a cargo de Terio Carrera. Hoxe inclúe entrevistas con Roberto García, de Unións Agrarias, e Daniel Gómez, inspector da UCRIF da Coruña.

A TVG pon o corpo en movemento con ‘Pulso activo’, un novo formato diario de saúde e benestar. O espazo, presentado por Eddy Insua, propón unha rutina diaria de exercicio adaptado para mellorar a saúde, combater o sedentarismo e encher as mañás de enerxía positiva.

Na clase de hoxe, Eddy, o noso preparador, propón unha sesión con esteira centrada no “core” e na zona lumbar. Anxo, Noemi, Raquel e Estrella acompáñano nesta rutina esixente. Nos testemuños, comparten as sensacións e impresións que lles deixou a práctica dos exercicios. Tamén falan de cales son os ingredientes que máis detestan, ademais de comentar algúns nomes graciosos de persoas.

Magazine diario, presentado por Rocío Delgado e Bernardo Montaña, que lle toma o pulso cada mañá a Galicia. Centrado na realidade social galega, ofrece unha ampla cobertura en directo da actualidade.

Presenta Raúl Quián.

Presenta Marta Darriba.

Información deportiva a cargo de Sevi Martínez.

Quinto e último día no que participa a tripulación de concursantes formada por Nieves, de Marín; Anxo, de Nigrán; Natalia, de Neda; Javier, de Ourense, e José, da Coruña. O bote alcanzou a cifra de 29.100 euros e para levalo hai que chegar ao 'Minuto final' e acertar as cinco preguntas que formule Rodrigo Vázquez.

Magazine divertido e participativo, en directo, presentado por Juan Fuentes e Raquel Atanes, que entretén os espectadores con contidos frescos e sorprendentes.

Programa vivo e variado, presentado por Quique Morales e Rocío Durán, onde as grandes protagonistas son as historias cotiás dos galegos e galegas.

Presenta Pablo Muñoz. Lorena Pose encárgase da información deportiva.

Musical presentado por Xosé Ramón Gayoso e Aitana del Mar. Ofrece humor, concursos e as actuacións máis destacadas da música galega e nacional. Tennessee, Pili Pampín e o violinista Paco Montalvo lideran o elenco de 'Luar' nunha edición dedicada aos coleccionistas. O espazo gozará tamén coas propostas musicais de Capitán Sabrosura coa Fanfarria Furruxa, a Orquesta Capitol e Os Xograres de Lemos, amais do humor de Todo Mal e Patricia Vázquez.

Presentado por María Mera e Eva Iglesias, primeiro 'talk show' sobre sexo e relacións sentimentais, con entrevistas desinhibidas, xogos co público e cos convidados, e conversas con expertos sobre estes temas.

Programa no que Javier Varela e Rafa Durán percorren os mercados ambulantes galegos máis destacados. Amais de entretemento e de descubrir numerosas anécdotas sobre a vida dos feirantes, ‘Imos de Feira’ promete diversión e premios en cada edición para os asistentes.

¿Coñecen o tema "Quen poidera namorala"? Saben quen o compuxo? É un tema de amor quizais?- parece evidente, a que sí?.A letra da canción é un poema dun dos grandes escritores en lingua galega de tódolos tempos: Álvaro Cunqueiro. Pero houbo algúns feitos que as converteron nunha das pezas máis coñecidas do cancioneiro galego: primeiramente a incorporación ao repertorio dos coros polo músico coruñés Adolfo Anta Seoane e despois a gravación que fixo en 1979 o grupo Petapouco, formado en Barcelona e do que era integrante un coñecido camariñán: Xosé Luís Blanco Campaña. Nesta entrega do espazo da TVG, os espectadores coñecerán a historia das Cantigas de Camariñas da man do propio Xosé Luís Blanco, da familia de Adolfo Anta Seoane, de quen a cantou no Coro da Real Fábrica de Tabacos da Coruña e dos camariñáns, que falarán do sentimento que lles provoca cantar e escoitar esta peza que levou o nome da súa vila por todo o mundo. Co ambiente das palilladas, coa bravura do litoral camariñán e coa festa da Virxe do Carme de fondo, o programa ofrecerá as versións que desta fermosa cantiga fixeron Treixadura, Lucía Pérez, Xaime Estévez, Os Panchos do Jolfendro, o Coro Municipal de Mulleres de Camariñas, Vellos Ventos, o gaiteiro Xavier Blanco e o Cuarteto Egeria.

Programa que lles achega aos espectadores galegos toda a actualidade cultural, presentado de luns a venres por Pilar G. Rego e por María Solar os sábados. O artista vigués Alberto Ardid falará da súa exposición ‘Hai un lugar’ nunha edición de 'ZigZag' que celebra o 50 aniversario de ‘Con pólvora e magnolias’, o mítico poemario de Xosé Luís Méndez Ferrín.

Pepe e Carmiña, por un lado, e don Venancio e Elvira, polo outro, preparan senllos actos de benvida. Coñecendo as dúas parellas, poucos dirían que por unha vez se van pór de acordo nas súas ideas. O regreso de Freire pode supor para Manuel o apoio necesario para evitar que Marcos se convirta en acredor da empresa.

Marcos e Manuel conclúen que o home que os denunciou por non contratar a Álvaro é o mesmo que, facéndose pasar por un familiar do enfermo, lles impide saber da súa saúde. Pero, dalgún xeito, as noticias acabarán por chegar. Mentres tanto, os días de Laura son o máis semellante a un pesadelo. O alcol é un refuxio para esquecer por uns intres a realidade, mais a imaxe de Telmo volve cada vez con máis forza. Pero Laura conta co apoio de Óscar e de Tomás e, por vez primeira desde que foi abandonada, mesmo pode albergar espazo para un novo amor. A que tamén se queixa da realidade é María, que, tras unha forte discusión co seu home, confésalle á súa nai que bota de menos a Óscar.

Alguén moi cercano a María decátase dun grande segredo: Óscar pode ser o pai do neno que agarda a rapaza. Precisamente por mor de ocultar algo, neste caso que Pepe é calvo e usa perruca, o home verase nun malentendido que pode acabar coa súa saúde, xa que, ilusionado por que lle medre o cabelo, toma unha beberaxe que en realidade é para a medra doutra cousa.