Presenta Pablo Muñoz. Lorena Pose encárgase da información deportiva.

Musical presentado por Xosé Ramón Gayoso e Aitana del Mar. Ofrece humor, concursos e as actuacións máis destacadas da música galega e nacional. O dúo K-Narias e o rapeiro vigués Dirty Suc actúan no primeiro 'Luar' do mes de maio, dedicado ao Día da Nai. Polo escenario tamén pasarán a orquestra Acordes, a charanga tradicional galega Sete Aldeas e os membros do xurado de ‘Recantos’, que comeza hoxe a quinta fase do concurso.

Presentado por María Mera e Eva Iglesias, primeiro 'talk show' sobre sexo e relacións sentimentais, con entrevistas desinhibidas, xogos co público e cos convidados, e conversas con expertos sobre estes temas. A presentadora Tania Llasera e o actor Marcos Pereiro falan de ligoteo, sexo e autoestima, hoxe en 'Malas pécoras'. Coñeceranse técnicas para manter viva a chama, relacións duradeiras e aprender a soltar cando o amor remata, e abordaranse as terapias de parella coa psicóloga Alba Álvarez.

Programa no que Javier Varela e Rafa Durán percorren os mercados ambulantes galegos máis destacados. Amais de entretemento e de descubrir numerosas anécdotas sobre a vida dos feirantes, ‘Imos de Feira’ promete diversión e premios en cada edición para os asistentes. Os presentadores percorrerán hoxe Maceda para buscar aspirantes que loiten por conseguir ata 300 euros no día de feira.

Parece que todo vai vento en popa na granxa; rematadas as obras, chega un novo camión de porcas, algunhas delas preñadas. Saen tamén á venda os primeiros embutidos da empresa, pero a un prezo prohibitivo.

¿Coñecen o tema "Quen poidera namorala"? Saben quen o compuxo? É un tema de amor quizais?- parece evidente, a que sí?.A letra da canción é un poema dun dos grandes escritores en lingua galega de tódolos tempos: Álvaro Cunqueiro. Pero houbo algúns feitos que as converteron nunha das pezas máis coñecidas do cancioneiro galego: primeiramente a incorporación ao repertorio dos coros polo músico coruñés Adolfo Anta Seoane e despois a gravación que fixo en 1979 o grupo Petapouco, formado en Barcelona e do que era integrante un coñecido camariñán: Xosé Luís Blanco Campaña. Nesta entrega do espazo da TVG, os espectadores coñecerán a historia das Cantigas de Camariñas da man do propio Xosé Luís Blanco, da familia de Adolfo Anta Seoane, de quen a cantou no Coro da Real Fábrica de Tabacos da Coruña e dos camariñáns, que falarán do sentimento que lles provoca cantar e escoitar esta peza que levou o nome da súa vila por todo o mundo. Co ambiente das palilladas, coa bravura do litoral camariñán e coa festa da Virxe do Carme de fondo, o programa ofrecerá as versións que desta fermosa cantiga fixeron Treixadura, Lucía Pérez, Xaime Estévez, Os Panchos do Jolfendro, o Coro Municipal de Mulleres de Camariñas, Vellos Ventos, o gaiteiro Xavier Blanco e o Cuarteto Egeria.

Os problemas acumúlanse en torno á granxa. Manuel e Freire sacan vellas rencillas por culpa da desconfianza de Manuel. Manuel séntese desprazado e pensa en deixar a sociedade.

Programa que lles achega aos espectadores galegos toda a actualidade cultural, presentado de luns a venres por Pilar G. Rego e por María Solar os sábados. O director Ángel Santos visita este sábado, xunto ao actor Denis Gomez, o estudio de ‘Zigzag’ para falar da súa película ‘Así chegou a noite’.

Manuel séguelle dando voltas á idea de deixar a granxa, Freire intenta falar con el para reconducir a situación, pero, en cambio, Tomás é moito máis duro e pensa que é o mellor para a sociedade. Sara e Deli tamén están preocupadas pola situación dos seus homes e intentan mediar.

Na casa dos Cabanas Cosme reciben a chamada de Elías, ten que voltar a Santalla para amañar uns papeis. Cosme decide gardalo en segredo e prepararlle unha sorpresa a Carmiña, pero esta está cada vez máis preto de Pepe, co que comparte tempo e risas.

Despois da malleira que Álvaro lle propina a Daniel, Lupe desconfía de que este traballe ás ordes de Balseiro. A sombra de Ramón segue a percorrer Santalla, aínda que todos o dean por morto.