Docu-reality de reformas en que unha arquitecta percorrerá a xeografía galega na procura dos feísmos máis comúns, para poñerlles remedio xunto cos veciños e o seu ‘equipo de arranxos’.

Espazo de reforma e decoración interior destinado a cambiar as casas galegas, grazas aos reformadores Inda e Julio. En canto soa o teléfono, Inda e Julio soben á furgoneta e acoden á chamada dos seus clientes, sen saber que aventura lles espera. E a desta semana promete porque os anfitrións pisan forte, viven segundo as súas propias normas e saben como montar unha festa. Pero esta reforma estará chea de incidentes que poñerán en risco o resultado final.

Espazo de reforma e decoración interior destinado a cambiar as casas galegas, grazas aos reformadores Inda e Julio. A historia de hoxe comeza nunha casa que viviu tempos mellores. Inda e Julio coñecen a Joserra, que resultará ser un verdadeiro tesouro. A súa casa está chea de sorpresas, e Inda e Julio enredarán, máis que nunca, descubrindo obxectos fascinantes aos que darlles unha segunda vida mentres arranxan a casa de Joserra.

Esther Estevez e Gabi García desprázanse ata Laias no concello de Cenlle, para vivir unha xornada de traballo no seu balneario. Alí aprenderán a preparar as augas termais, poñer a punto as habitacións do hotel, e mesmo participarán no servizo do restaurante e as actividades de animación. Esther e Gabi afrontan hoxe con ‘Traballo feito’ un novo reto no balneario de Laias.

Presentan Antía Araújo e David Valverde. Irene Lourido encárgase da información deportiva.

Neste episodio, Esther Estévez exerce de anfitrioa para o cantante aragonés Juanjo Bona en Verín. A presentadora intenta convencer o seu visitante de que Verín é o lugar ideal para pasar uns días de vacacións, pero é Juanjo quen debe tomar a decisión final: quedar en Verín ou coller o billete de volta e marchar. Para conquistar o seu visitante, Esther quere amosar a tradición do Entroido canda un cigarrón polas rúas da vila, gozar dun bo xantar no Regueiro, compartir a súa paixón pola música tradicional co seu grupo de gaitas e visitar os manantiais de Cabreiroá. O artista aragonés Juanjo Bona descobre os encantos de Verín en 'A miña gran cidade', da man de Esther Estévez. O programa da TVG viaxa á comarca de Monterrei para vivir unha xornada chea de Entroido, música tradicional, gastronomía e augas termais.

Este episodio de Código 092 está integramente centrado na celebración do San Froilán en Lugo. Os axentes acoden a un aviso por unha posible agresión no ámbito doméstico, que deriva nun operativo de busca tras a marcha da presunta agresora. As intervencións multiplícanse, con actuacións en locais de ocio nocturno por incumprimentos da normativa de ruídos e por exceso de capacidade, así como cunha agresión con gas pementa que obriga á Policía Local de Lugo a intervir de inmediato. Ademais, os axentes desmantelan unha festa ilegal nun piso da cidade e intensifican os controis sobre os postos de venda ambulante, actuando contra a comercialización de comida sen as debidas garantías sanitarias. Intensa actividade policial, esta noite en ‘Código 092: en primeira liña', que acompañará os axentes de Santiago de Compostela e Vilagarcía de Arousa.

Programa de telerrealidade, presentado pola actriz Iolanda Muíños, que retrata en 48 horas unha petición de man e a organización dunha voda sorpresa, no caso dunha resposta favorable. A parella protagonista hoxe en '48 horas para o si' amosa como a diferenza de idade non é traba para o amor. Tras catro anos de relación e unha filla en común, Javi sorprenderá a Abi cunha petición de man no programa.

Laura confésalle a súa identidade a don Venancio, buscando no crego consolo e apoio. Mentres, don Román segue instigando a Álvaro para que se propase con ela, coa dobre intención de rirse del e humillala a ela.

A actitude agarimosa de Lupe non convence a Freire. A coruñesa intenta convencer o indiano para visitar a cidade herculina e presentarlle a súa familia. Freire non se sente con ánimos, pero ela non desiste e, convencida por Carmiña, intenta facerlle un meigallo.

María pídelle a Manuel que os leve á praia. Os Cabanas deciden levarse á praia a Carmiña para afastala do frenético Elías. Os Lamela semellan refacer a súa vida familiar, aínda que a muller e o fillo non acaban de baixar a garda.

Manuel segue sen fiarse de Lupe e Freire non quere vincularse sentimentalmente á coruñesa. Ambos deciden poñer a María a traballar no almacén para librarse da coruñesa. Lupe, a súa vez, urdirá un plan para vingarse deles.

Musical presentado por Xosé Ramón Gayoso e Aitana del Mar. Ofrece humor, concursos e as actuacións máis destacadas da música galega e nacional. ‘Luar' celebra o Entroido e o San Valentín, coa música de Natalia, Terrae & Natasia Zürcher e Nuria Lorenzo. Completan o elenco artístico a Orquestra Compostela, Donicelas e Miguel Torres, así como a maxia de Joaquín Matas e as intervencións humorísticas de Patricia Vázquez.

Lupe aproveita a ausencia de Laura na casa para levar a cabo certas intrigas con don Román. Quere vingarse de Freire e de Manuel polo que cre ela foi unha humillación. Ofrécese para entregarlle documentos e datos económicos do almacén.